Dünya

İran Suriyadan 30 milyard tələb edir: Əsədin borcunu kim ödəyəcək?

18 Dekabr 2024 13:18

Suriyada silahlı müxaliflərin Dəməşqi ələ keçirməsindən sonra İran Əsəd rejimindən qalan və 30 milyard dollar olduğu iddia edilən borcu yeni administrasiyadan tələb edir.

Publika.az xəbər verir ki, bununla bağlı İran Xarici İşlər Nazirliyinin sözçüsü İsmayıl Baqeyi açıqlama verib.

Baqeyi Suriyanın İrana olan borcu və bu kontekstdəki rəqəmlərlə bağlı sualları cavablandırıb. O, İranın Suriyadakı mövcudluğunun terrorla mübarizə üçün olduğunu müdafiə edib:

"Biz Suriyada keçid mərhələsinin bitməsini gözləyirik. Ümumiyyətlə, iki ölkə arasında bağlanan müqavilələr və anlaşma memorandumları ləğv edilməyəcək. Onlar həyata keçiriləcək və hər hansı sistem, idarəetmə prinsipi əsasında ötürüləcək. Bu məsələnin ardınca getmək İranın gündəmindədir”.

Məsələ ilə bağlı Suriya hökumətinin hazırkı rəhbərliyindən açıqlama verilməyib.

Roza