Maskın şirkəti uçuşları artırır: kosmosda tıxac yaranacaq

İlon Maskın “SpaceX” şirkəti və digər şirkətlər uçuşların sayını artırmağı planlaşdırdığından, yaxın illərdə ABŞ-ın kosmosa raketlərin buraxılması üçün əsas buraxılış məntəqələrində rekord tələb və yüksək sıxlıq yaşayacağı gözlənilir.

Publika.az xəbər verir ki, bu haqda “The Wall Street Journal” yazır.

Kosmik uçuşların sayına görə rekord il olan 2024-cü ildə (150-dən çox) buraxılışların əksəriyyəti üç məntəqədən həyata keçirilib. Floridadakı "Cape Canaveral"da buraxılış kompleksi ən işlək idi (67 buraxılış). İkinci yeri Kaliforniyadakı "Vandenberq" Hərbi Hava Qüvvələri (47 buraxılış), üçüncü yeri isə Floridadakı "Kennedi" Kosmik Mərkəzi (26 buraxılış) tutub.

Federal Aviasiya Administrasiyasının keçmiş rəsmisi Corc Neildin fikrincə, istənilən qəza ən böyük kosmodromlardan birini aylar ərzində sıradan çıxara bilər.

Digər kosmodromlar federal icazə almaqda çətinliklərlə üzləşirlər və bəzilərinin dənizə çıxışı yoxdur. Sahil yaxınlığında yeni buraxılış sahələrinin tikintisi çətindir, çünki yerli sakinlər tez-tez müdaxilə və səs-küydən narahat olurlar.

Bildirilir ki, rəsmilər bu problemin öhdəsindən gəlməyə çalışırlar. Federal Aviasiya Administrasiyası (FAA) milli kosmodrom strategiyasını hazırlamaq üçün bir qrup dövlət qurumuna rəhbərlik edir. Bu iş üzrə hesabat 2025-ci ildə gözlənilir.

Adəm