ABŞ Çini belə çökdürür: Texnologiya nəhənginə ağır zərbə vurdu

Çinin texnologiya nəhəngi “Tencent” ABŞ Müdafiə Nazirliyi tərəfindən Çin hərbi şirkətləri siyahısına əlavə edilib və onun səhmləri kəskin ucuzlaşıb.

Publika.az xəbər verir ki, səhm dəyərində 9,7 faiz itki ilə üzləşən şirkət bu siyahıya daxil edilməsinin səhv olduğunu və ABŞ Müdafiə Nazirliyi ilə müzakirələr aparmağı planlaşdırdığını bildirib. Çin və ABŞ arasında bir müddətdir davam edən “Müasir dövrün soyuq müharibəsi”ndə, xüsusən də texnologiya şirkətləri üzərində yeni bir cəbhə açılıb. “TikTok”un bloklanması, 140 Çin şirkətinə ixrac məhdudiyyətləri və Çindən ABŞ-a ixrac qadağası ilə cavab tədbirləri kimi hərəkətlərdən sonra ABŞ bu dəfə Çinin texnologiya nəhəngi və “WeChat Superapp” və “PubG Mobile” kimi aparıcı texnoloji proqramların sahibi “Tencent”ə hücum edib.

Bu proses Çin texnologiya nəhəngləri üçün yeni bir risk faktoru kimi önə çıxır. Çinin çətin iqtisadi şərtləri şirkətlərin səhm dəyərlərinə təsir edir və ABŞ hökuməti yüksək texnologiya ixracını və digər tədbirləri məhdudlaşdırmaqla Çində innovasiyalara mane olmağa çalışır.

Aysel Şahmar