Dünya

Trampdan İrana şok xəbərdarlıq: fəlakət olacaq

24 Yanvar 2025 10:18

ABŞ prezidenti Donald Tramp Amerikanın “Fox News” kanalına müsahibəsində İranla bağlı kritik açıqlamalar verib.

Publika.az xəbər verir ki, Tramp İranın Yaxın Şərqdə zərərli fəaliyyətlə məşğul olduğunu və bunun qarşısını almaq üçün hər cür tədbir görəcəklərini vurğulayıb.

ABŞ prezidenti İranın heç vaxt nüvə silahına sahib olmayacağını bəyan edib:

“2020-ci il seçkilərində qalib gəlsəydim, bir həftə ərzində İranla nüvə sazişi bağlayaraq bu ölkəni nüvə silahlarından tamamən uzaqlaşdıra bilərdim. Lakin Co Bayden administrasiyası bu prosesi idarə edə bilmədi.

Mən iranlıların böyük bir ölkəyə sahib olmasını istəyirəm, onların böyük potensialı var, xalqları inanılmazdır. İran haqqında dediyim tək şey odur ki, onların nüvə silahı ola bilməz. Saziş düzgün tərtib olunarsa, İranın nüvə silahı əldə edə bilməyəcəyinə tam əminəm”.

Tramp İranın nüvə silahı olsa, bir çox başqa ölkənin də buna sahib olmaq istəyəcəyini və bunun fəlakət olacağını qeyd edib.

Roza