Səudiyyə Ərəbistanı Trampın planına qarşı çıxdı: Ərəb Liqası hansı qərarı verəcək?
Bizi izləyin
Aptekonline

Dünya

Səudiyyə Ərəbistanı Trampın planına qarşı çıxdı: Ərəb Liqası hansı qərarı verəcək?

Səudiyyə Ərəbistanı kəşfiyyatının sabiq başçısı Şahzadə Turki əl-Feysəl Fələstinlə bağlı açıqlama verib.

Publika.az xəbər verir ki, Turki əl-Feysəl Fələstinin açıq-aşkar ədalətsizliyə məruz qaldığını vurğulayıb.

Şahzadə vəziyyəti hər kəsin gözü qarşısında dayanan günəşə bənzədib və bildirib ki, fələstinlilərin hüquqları, torpaqları və həyatları pozulur.

Əl-Ərəbiyyə telekanalında “Kabul Li'l-Cedel'” proqramında danışan Şahzadə məsələnin əvvəldən mürəkkəbliyinə diqqət çəkib. O, ABŞ-ın hazırkı rəhbərliyinin əvvəlkindən daha çox İsrailin maraqlarına doğru sürükləndiyini bildirib.

Bütün ərəb ölkələrinin Trampın fələstinliləri köçürməklə bağlı planı rədd etdiklərini rəsmən ifadə edən Turki əl-Feysəl Fələstin davasının gələcəyi ilə bağlı aydın baxışın yer alması üçün yaxın vaxtlarda Misirdə keçirilməsi planlaşdırılan Ərəb Liqası Sammitinin əhəmiyyətini diqqətə çatdırıb.

Aysel Şahmar

Oxumağa davam et
Reklam
Reklam

Gündəm

Aptekonline