Dünya

Bu ölkələr Rusiya təyyarələrini vurmalı idi - Zelenski

26 Sentyabr 2025 17:39

NATO üzvü olan ölkələr bütün Rusiya pilotsuz təyyarələrini vurmalı idi.

Publika.az xəbər verir ki, bu barədə Ukrayna prezidenti “Axios”a bildirib.

"Bəli, mən belə hesab edirəm. Reaksiya zəif oldu. Ona görə də Putin başqa ölkələrlə davam etdi", - o bildirib.

Zelenski ABŞ prezidenti Donald Trampın NATO üzvlərinin pilotsuz təyyarələri və Rusiya təyyarələrini vurması ilə bağlı mövqeyi ilə razılaşıb.

"Onlar hər şeyi vurmalı idilər. Əgər torpaqlarınızda kimsə sizin xalqınızı öldürürsə, siz həmin şəxsə cavab verməlisiniz. Əgər təyyarələr sizin hava məkanınızdadırsa, onların qarşısını kəsməlisiniz", - Ukrayna prezidenti vurğulayıb.

Jurnalistlərdən birinin Rusiyanın cavab riskinə görə NATO ölkələrinin bunu etməkdən qorxduqlarına inanıb-inanmadığını soruşduqda, Zelenski belə cavab verib:

"Əlbəttə, mən bəzi liderləri tanıyıram, onlar qorxmur, lakin əksər hallarda ölkələr qorxur. Onlar qorxurlar və məncə, haqlıdırlar, çünki Rusiya dəlidir".

Adəm