Dünya

7,4 ballıq zəlzələdən sonra 700-dən çox yeraltı təkan qeydə alındı - Ölənlərin və yaralananların sayı artır

11 Oktyabr 2025 08:24

Filippinin cənubunda baş verən zəlzələ nəticəsində ölənlərin sayı 7-yə, yaralı sayı isə 11-ə çatıb.

Publika.az xəbər verir ki, bu barədə Fəlakət Riskinin Azaldılması və Aradan Qaldırılması Milli Şurası məlumat yayıb.

Xatırladaq ki, oktyabrın 10-da səhər saatlarında Filippində 7,4 bal gücündə zəlzələ baş verib. Axşam saatlarında isə ölkə 6,8 ballıq zəlzələ səbəbilə silkələnib. Şərqi Davao, Şərqi Samar, Cənubi Leyte və Suriqao əyalətlərində sunami təhlükəsi ilə bağlı xəbərdarlıq elan olunub.

Seysmoloqların 700-dən çox yeraltı təkan qeydə aldıqları bildirilir.