Gərgin keçən görüş: ABŞ-da respublikaçılar Zelenskidən görün nə tələb ediblər

Ukraynanı dəstəkləyən Respublikaçılar Partiyasının üzvləri Vladimir Zelenskiyə Vaşinqtona planlaşdırılan səfərini ləğv etməyi tövsiyə ediblər.

Publika.az xəbər verir ki, bu barədə "Politico" mənbələrə istinadən məlumat yayıb.

Nəşrdə qeyd olunur ki, Respublikaçı müttəfiqlər Zelenskiyə səfəri ləğv etməyi tövsiyə ediblər, çünki Vaşinqton həmin vaxt hökumətin bağlanması (“şatdaun”) problemi ilə məşğul idi və səfər vaxt baxımından münasib sayılmırdı.

Mənbənin sözlərinə görə, görüş ümumilikdə “pis keçməyib”, lakin o, uyğun olmayan vaxtda təşkil olunub və yüksək gözləntilər səbəbindən gərgin atmosferdə baş tutub. Ukraynanı dəstəkləyən respublikaçılar qeyd ediblər ki, həmin vaxt Ağ Ev daha çox Yaxın Şərqdəki vəziyyətə diqqət yetirirdi.

Onlar, həmçinin Zelenskinin komandasına “Tomahavk” raketlərinin tədarükünü prioritet məsələ kimi qaldırmamağı məsləhət görüblər, xüsusilə də ABŞ prezidenti Donald Tramp ilə Rusiya lideri Vladimir Putin arasında baş tutan telefon danışığından sonra.

Adəm