Dünya

Tramp Si Cinpinlə görüşəcək: “Çox güclü razılaşma əldə edəcəyik”

21 Oktyabr 2025 14:20

ABŞ prezidenti Donald Tramp Cənubi Koreyaya səfər edəcək.

Publika.az xəbər verir ki, bu barədə Tramp Ağ Evdə keçirdiyi mətbuat konfransında məlumat verib.

O, həmçinin səfər çərçivəsində Çin sədri Si Cinpinlə görüşəcəyini bildirib.

Trampın sözlərinə görə, Çin ABŞ-a hörmətlə yanaşır və rüsumlar vasitəsilə yüksək məbləğdə ödənişlər edir: “Düşünürəm ki, Çinlə çox güclü bir ticarət müqaviləsi bağlayacağıq. Hər iki ölkə bu razılaşmadan məmnun qalacaq”.

Ağ Ev rəhbəri əlavə edib ki, əgər tərəflər arasında razılaşma əldə olunmasa, 1 noyabrdan etibarən Çindən idxal olunan mallara 100 faiz əlavə tariflər tətbiq ediləcək: “Onlar bizi nadir torpaq elementləri ilə, mən isə onları tariflərlə hədələdim. Amma mən onları təyyarələr və bir çox başqa şeylərlə də təzyiq altında saxlaya bilərəm. Çünki Çin öz təyyarələri üçün lazımi hissələri tapa bilmir”.

Roza