500 il sonra ilk yaşandı: Kral Papa ilə birgə dua etdi

İngiltərə kralı III Çarlz və xanımı kraliça Kamilla Vatikana səfərləri zamanı Papa XIV Leo tərəfindən Sikstin kapellasında təşkil edilən mərasimdə iştirak ediblər.

Publika.az xəbər verir ki, təxminən 500 ildən sonra ilk dəfə bir ingilis kralı və Papa birlikdə dua ediblər.

Latın ilahiləri və ingiliscə duaların oxunduğu mərasimi Papa Leo və Anqlikan arxiyepiskopu Stiven Kottrell idarə edib. Xidmətdə Sikstin kapellası xoru və iki kral xoru da olub.

Çarlz üçün bazilikada kral gerbi və üzərində "Ut Unum Sint" (Bir olsunlar) yazısı olan xüsusi oturacaq ayrılıb. Rəsmilər bu kreslonun əbədi olaraq kral və onun varisləri üçün bazilikada qalacağını bildiriblər.

Papa Leo kral üçün "Kral Qardaşlığının üzvü" titulunu təsdiqləyib, Bukingem Sarayı isə Papa Leonun Vindsor qalasındakı Müqəddəs Georgi Kapellasının "Papa Qardaşlığının üzvü" elan edildiyini bildirib.

İngiltərə 1534-cü ildə kral VIII Henrixin nikahının ləğvi tələbi rədd edildikdən sonra Katolik Kilsəsindən ayrılıb.

Tural