Belarus bu ölkələrə "qırmızı işıq" göstərdi: Minlərlə yük maşını sərhəddə qalıb

Minskin 2027-ci ilin sonuna qədər Polşa və Litva yük maşınlarının və traktorlarının öz ərazisində hərəkətinə qadağa qoymasından sonra minlərlə yük maşını Belarus sərhədində ilişib qalıb.

Publika.az xəbər verir ki, bu barədə "TVP World" məlumat yayıb.

Belarusun Dövlət Sərhəd Komitəsinin məlumatına görə, Litvanın iki nəzarət-buraxılış məntəqəsi yaxınlığında 1260-dan çox, Polşada isə 2045-dən çox yük maşını qalıb.

Litva Beynəlxalq Nəqliyyat və Logistika Alyansının (TTLA) baş katibi Povilas Drizasın sözlərinə görə, bu addım Belarus və Rusiya üzərindən Çin və Aİ arasında yük daşıyan logistik firmaların işini pozacaq.

Xatırladaq ki, Belarusla sərhəddə qarşıdurma Polşa və Litvanın Belarus və Rusiya arasında birgə hərbi təlimlərə cavab olaraq sentyabr ayında sərhəd keçidlərində nəzarəti gücləndirməsi ilə başlayıb.

Vilnüs hava limanı Belarusdan uçan qaçaqmal sayılan hava balonlarına görə oktyabr ayında bir neçə dəfə bağlanıb.

Oktyabrın 29-da Litvanın Nazirlər Kabineti insidentlərə cavab olaraq ölkənin Belarusla sərhədini noyabrın 30-dək bağlamaq qərarına gəlib.

Adəm