“Taurus” raketlərinin Ukraynaya verilməsi riski barədə XƏBƏRDARLIQ: "MI6 nəsə hazırlayır"

Almaniyanın uzaqmənzilli "Taurus" raketlərinin istifadəsi Ukraynada münaqişənin gərginləşməsinin növbəti mərhələsi ola bilər.

Publika.az xəbər verir ki, bu fikri ABŞ Dövlət Departamentinin Xarici İşlər Nazirliyinin keçmiş əməkdaşı Cim Catras "YouTube" kanalında bildirib.

Ekspert qeyd edib ki, Qərbin vəziyyəti gərginləşdirmək üçün bir çox başqa yolları var, o cümlədən mümkün yalançı təxribatlar.

"Biz həmişə yalançı təxribatlarla üzləşə bilərik. MI6 yəqin ki, hazırda nəsə hazırlayır", - Catras əlavə edib.

Noyabrın 4-də “Handelsblatt” qəzeti yazıb ki, Almaniya hakimiyyəti hələ də “Taurus” qanadlı raketlərinin Ukrayna Silahlı Qüvvələrinə veriləcəyini istisna edir.

Oktyabrın 23-də Rusiya Prezidenti Vladimir Putin Amerikanın “Tomahawk” raketlərinin Rusiyaya qarşı mümkün istifadəsinə cavab olaraq Ukraynaya “heyrətləndirici” cavab vəd edib.

“Military Watch Magazine” öz növbəsində yazıb ki, Rusiya Qərbin hərbi əməliyyatlarının daha da eskalasiyasının qarşısını almaq üçün nüvə silahına arxalanır.

Hüseyn İbadlı