ABŞ Ukrayna ilə bağlı Avropaya nə vəd verib? - PLAN ÜZƏ ÇIXDI
Bizi izləyin
Aptekonline

Dünya

ABŞ Ukrayna ilə bağlı Avropaya nə vəd verib? - PLAN ÜZƏ ÇIXDI

ABŞ prezidenti Donald Trampın administrasiyası Avropa İttifaqı (Aİ) və Şimali Atlantika Alyansının nümayəndələrini əmin edib ki, onların təhlükəsizliklə bağlı narahatlıqları Ukraynadakı münaqişənin həlli ilə bağlı istənilən razılaşmada nəzərə alınacaq.

Publika.az xəbər verir ki, bu barədə məlumat verən "Politico" Aİ-nin adının açıqlanmayan diplomatına istinad edib.

Bundan əvvəl ABŞ nümayəndə heyəti Cenevrədə ukraynalı həmkarları ilə görüşüb, Ukraynadakı vəziyyətin nizamlanması planını müzakirə edib.

ABŞ dövlət katibi Marko Rubio Aİ və NATO-dakı həmkarlarına Ukrayna üçün hər hansı sülh sazişi qəbul edilərkən onların təhlükəsizlik problemlərinin nəzərə alınacağını deyib.

ABŞ administrasiyası bundan əvvəl Ukraynada nizamlanma planının işlənib hazırlandığını açıqlayıb. Bildirilib ki, hələlik iş tam başa çatmadığı üçün onun təfərrüatını müzakirə etməyəcəklər.

Adəm

Oxumağa davam et
Reklam
Reklam

Gündəm

Aptekonline