Ərdoğandan Qəzza mesajı: Netanyahunu yalnız bu dayandıra bilər

"İsrailə qarşı diplomatik təzyiqin ciddi şəkildə artırılması və bölgəyə fasiləsiz humanitar yardımın təmin olunmasının yolu açılmalıdır".

Publika.az xəbər verir ki, bunu Türkiyə prezidenti Rəcəb Tayyib Ərdoğan G20 Zirvəsindən qayıdarkən təyyarədə jurnalistlərə açıqlamasında deyib.

Dövlət başçısı bildirib ki, Qəzzada atəşkəs elan olunmasına baxmayaraq hücumları davam etdirən İsrailin baş naziri Benyamin Netanyahunu yalnız beynəlxalq ictimaiyyətin qəti mövqeyi dayandıra bilər:

"Artıq hər kəs anlamalıdır ki, İsrail həqiqəti demir, qətllərə bəhanə uydurur və fələstinlilərə zülm edir. HƏMAS bütün təxribatlara baxmayaraq böyük səbir göstərib və atəşkəsə sadiq qalıb. Bu atəşkəsin tam şəkildə tətbiqi xüsusilə vacibdir. İsraili bu cür ehtiyatsızlığa sövq edən ölkələr isə dərhal məsuliyyət daşımalıdırlar. Təəssüf ki, BMT indiyədək öz öhdəliklərini yerinə yetirə bilməyib. Təşkilat bundan sonra atılacaq addımlarla real təsirini göstərməlidir".

Ərdoğan əlavə edib ki, Türkiyə ilk gündən Qəzza məsələsində prinsipial mövqeyini qoruyub və bu xəttə sadiq qalmağa davam edəcək.

Roza