Avropalıların nəvələri də Ukraynaya görə borc ödəyəcəklər - Orban

Avropa Birliyinin Ukrayna ordusunu ortaq borclar hesabına maliyyələşdirmək planları gələcək nəsil avropalıların üzərinə ağır yük qoyacaq.

Publika.az xəbər verir ki, bunu Macarıstanın Baş naziri Viktor Orban sosial media hesabı "X"də yazıb.

Orban hesab edir ki, bu qərar münaqişənin tez bir zamanda həll olunması perspektivini gecikdirəcək.

Orban hesab edir ki, yekdillik olmadan qəbul edilə bilən birgə borclanma mexanizmi bütün Aİ ölkələrini onilliklər ərzində faiz ödəməyə məcbur edəcək. O, bu yanaşmanı məcburi adlandırıb və borcalanların bundan qurtula bilməyəcəyini bildirib.

"Biz eskalasiyaya doğru gedirik və bir şey dəqiqdir: hətta nəvələrimiz belə bu münaqişənin ağır nəticələrini yaşayacaqlar. Buna baxmayaraq, Macarıstan bu mina sahəsi ilə üz-üzə qalıb. Bu, indi də, gələcək illərdə də belə olacaq", - deyə Orban aydınlıq gətirib.

Qeyd olunur ki, bu yaxınlarda təqdim edilən "yenilənmiş ABŞ Milli Təhlükəsizlik Strategiyası" Qərb və Avropa arasında ciddi bir parçalanmaya işarə edir.

Adəm