Dünyanın ən dadsız yeməkləri açıqlandı - SİYAHI

Məşhur qastronomiya platforması "TasteAtlas" dünyanın ən az bəyənilən yeməklərinin yeni siyahısını yayımlayıb.

Publika.az xəbər verir ki, reytinq istifadəçi rəylərinə əsasən tərtib olunub.

Siyahıda bu yeməklər yer alıb:

1-ci yer: İslandiyaya məxsus “Svid” (bişmiş qoyun başı).

2-ci yer: yenə island mətbəxinə aid “Thorramatur” (Müxtəlif milli delikateslərdən ibarət set: fermentləşdirilmiş köpəkbalığı əti, hisə verilmiş qoyun əti, qoyunun başı, qanlı kolbasa və qurudulmuş balıq, ət məhsulları çovdar çörəyi və yağ ilə verilir).

3-cü yer: İspaniyanın “Truchas a la Navarra” adlı balıq yeməyi.

4-cü yer: “Bloodpalt” adlı qanlı küftə (Çovdar və ya arpa unundan, heyvan qanından hazırlanır, bəzən içi qızardılmış donuz əti və soğanla doldurulur). Bu yemək əsasən İsveç və Finlandiyada məşhurdur.

5-ci yer: yəhudi icmalarında hazırlanan “Yerushalmi kugel” adlı şirniyyat (Makaron və karamelizə şəkərin şirinliyi ilə qara istiotun acılığı bir araya gətirilir, ənənəvi olaraq Şabbatda sinaqoqdan sonra süfrəyə verilir).