Ağ Evdə keçmiş liderlər ələ salındı - Mətni Tramp yazıb

Ağ Evin Qərb Qanadındakı "Prezidentlərin Şöhrət Xiyabanı" adlanan ərazidə ABŞ-ın keçmiş prezidentlərinin istehzalı təsvirləri olan lövhələr var.

Publika.az xəbər verir ki, bu barədə məlumat NBC-də yayımlanıb.

Bu lövhələrin bir çoxunun mətni şəxsən hazırkı prezident Donald Tramp tərəfindən yazılıb.

Ağ Evin mətbuat katibi Kerolayn Livitt Trampın qraffitinin yaradılmasında birbaşa iştirak etdiyini təsdiqləyib. Co Baydenin portretinin yerini tutan avtoqələmin altında onu "Yuxulu Co Bayden" və "Amerika tarixinin ən pis prezidenti" adlandıran lövhə var.

Barak Obamanın portretinin altındakı lövhədə onu "Amerika tarixinin ən mübahisəli şəxsiyyətlərindən biri" kimi təsvir edirlər.

Bill Klintonun portretinin altındakı təsvirdə Trampın 2016-cı il seçkilərində onun həyat yoldaşı Hillari Klinton üzərində qələbəsi vurğulanır.

"Xiyaban"da həmçinin Donald Trampın özünün nailiyyətlərinə həsr olunmuş iki lövhə var: biri onun ilk prezidentlik müddətini (2017–2021), digəri isə 2025-ci ildən başlayaraq ikinci müddətinin başlanğıcını əhatə edir.

Adəm