Türkiyədə idarəetmə sistemi dəyişir? - Sensasion detallar açıqlandı

Türkiyənin hakim Ədalət və İnkişaf Partiyası (AK Partiya, AKP) 2026-cı ildə Prezident Rəcəb Tayyib Ərdoğana yeni konstitusiya təklifləri təqdim etmək niyyətindədir.

Publika.az xəbər verir ki, bu barədə “Ekonomim” qəzeti mənbələrə istinadən məlumat yayıb. Bildirilir ki, hakimiyyət prezident idarəetmə formasında bir sıra dəyişikliklər edə bilər.

Daha əvvəl "Cumhuriyet" qəzeti hakim partiya daxilindəki mənbələrə istinadən AKP-nin yeni konstitusiya uğurla qəbul ediləcəyi təqdirdə erkən prezident seçkilərinin keçirilməsi imkanını nəzərdən keçirdiyini bildirmişdi.

Nəşrdə deyilir ki, "Hakim dairələr müxalifət tərəfindən tənqid edilən müddəalar üçün variantları müzakirə edirlər. Xüsusilə, bu, parlament üzvləri arasından prezidenti və kabinet üzvlərini seçəcək müddəaya aiddir. Bu cür addımlar 2026-cı ildə yeni konstitusiyanın qəbul edilməsi üçün ilkin şərt hesab olunur".

Qeyd olunur ki, AKP məsləhətləşmələrdən sonra təklif və şərhləri özündə əks etdirən hesabat hazırlayıb prezident Ərdoğana təqdim etməyi planlaşdırır.

Xatırladaq ki, Ərdoğan dəfələrlə bildirib ki, Türkiyənin gələcək inkişafını təmin etmək üçün yeni bir konstitusiyaya ehtiyacı var. Türkiyə lideri bütün siyasi qüvvələri yeni konstitusiyanın hazırlanmasında fəal iştirak etməyə çağırıb.

Tural