Rusiyadakı azərbaycanlılara bəd xəbər: Bundan sonra yalnız bir kart

Miqrantlar yalnız bir Rusiya bankından istifadə etməli və yalnız bir bank hesabına sahib olmalıdırlar.

Publika.az xəbər verir ki, bu təklifi Rusiya Dövlət Dumasının Təhlükəsizlik və Korrupsiyaya Qarşı Mübarizə Komitəsi sədrinin birinci müavini Andrey Luqovoy irəli sürüb.

"İndi nə baş verir? Bir banka gedirsən, hesab açırsan və sonra kartını başqa bir banka verirsən. On bankdan keçib on kart vermisən", - deyə o, TASS-a verdiyi müsahibədə bildirib.

Luqovoy həmçinin əcnəbilərə yalnız xarici pasportdan istifadə edərək bank hesabları açmağı təklif edib ki, onların mənşə ölkələrindən olan və həqiqiliyini bank işçisi təsdiqləyə bilməyən daxili sənədlərdən istifadə etməsinlər.

Bundan əlavə, parlamentari turistlər də daxil olmaqla, xarici vətəndaşların Rusiyada vergi məqsədləri üçün qeydiyyatdan keçmələrini təklif edir.

Onun sözlərinə görə, bu, bank sistemi vasitəsilə edilə bilər ki, bu da ağır deyil. Bundan sonra miqrantlar və turistlər bank hesabı açarkən onlardan vergi identifikasiya nömrələrini (VÖEN) təqdim etmələri tələb olunacaq.

Adəm