Rusiyaya dost ölkə sərhəddə raketlər yerləşdirdi - Nə baş verir?

ABŞ Müdafiə Nazirliyinin (Pentaqon) hazırladığı hesabatın ilkin versiyasına görə, Çin Rusiya ilə sərhəd bölgəsində əlavə 100-dən çox qitələrarası ballistik raket yerləşdirib.

Publika.az "Reuters"ə istinadən xəbər verir ki, bu, ABŞ kəşfiyyat məlumatları ilə də təsdiqlənib.

Yerləşdirilən raketlər DF-31 bərk yanacaqlı mobil raket sisteminə aiddir. Mənbələrə görə, onlar Çinin Daxili Monqolustan Muxtar Bölgəsindəki üç raket mina sahəsində yerləşir. Pentaqon əvvəllər bu obyektlərin mövcudluğu barədə məlumat vermişdi, lakin orada yerləşdirilən raketlərin dəqiq sayını açıqlamayıb.

Layihə sənədində həmçinin Çinin silahlara nəzarət danışıqlarında iştirak etmək istəmədiyi qeyd olunur. Hesabatda bu yerləşdirmənin hansı konkret məqsədlər üçün həyata keçirildiyi göstərilmir.

Qeyd edək ki, daxili Monqolustan Muxtar Vilayəti Monqolustan və Rusiya ilə həmsərhəddir. Bu bölgədəki bütün Çin-Rusiya sərhədi Zabaykal diyarından keçir. Borzya şəhərindəki sərhəd bölgəsində bir neçə Rusiya hərbi hissəsi yerləşir.

Adəm