Ərdoğan Suriya ilə bağlı təlimat verdi - MİT müdaxilə edir

Suriyadakı son hadisələrə Türkiyə Milli Kəşfiyyat Təşkilatı (MİT) da müdaxilə edir.

Publika.az xəbər verir ki, bununla bağlı Türkiyə prezidenti Rəcəb Tayyib Ərdoğan təlimat verib.

Türkiyə mediasına məsələ ilə bağlı məlumat verən təhlükəsizlik mənbələrinin sözlərinə görə, MİT Suriyadakı hadisələri yaxından izləyir:

"Suriya hökuməti və ABŞ ilə müzakirələr aparılır. Bundan əlavə, lazımi mesajlar müvafiq kanallar vasitəsilə SDQ-yə çatdırılır".

Açıqlamada Ərdoğanın hər an inkişaflardan xəbərdar olduğu vurğulanıb:

"Türkiyənin əsas məqsədi Suriyanın siyasi birliyinin, ərazi bütövlüyünün və mərkəzi strukturunun qorunmasıdır. Buna uyğun olaraq, MİT Türkiyə ilə sərhədə yaxın ərazilərdəki münaqişələrin mənfi təsirlərini minimuma endirməyi və bölgədəki mülki əhalinin təhlükəsizliyini təmin etməyi hədəfləyir. Hələbdə, xüsusən də kürd əhalisinin çox olduğu Şeyx Məqsud, Əşrəfiyyə və Beni Zeyd məhəllələrində Suriya ordusu ilə SDQ elementləri arasında baş verən son toqquşmalar bu çərçivədə qiymətləndirilir".

Roza