Dünya

HƏMAS tərksilah olmağa hazırdır

15 Yanvar 2026 13:57

HƏMAS-ın tərksilah edilməyə hazır olduğu iddia olunub.

Publika.az xəbər verir ki, bu barədə "Axios" məlumat yayıb.

Agentliyə danışan ABŞ rəsmilərinin iddiasına görə, Qəzza Sülh Planının ikinci mərhələsinə keçiddən sonra HƏMAS silahı yerə qoymağa hazırdır: "Biz bu barədə plan hazırlamışıq. Prezident Donald Tramp bunun baş verməsini istəyir. HƏMAS isə bunun reallaşacağına dair siqnallar verir. Onların gücünün böyük bir hissəsi tükənib və onlar çoxlu insan itiriblər. İnanırıq ki, təksilaha nail ola bilərik".

Rəsmilər, həmçinin Tramp administrasiyasının Türkiyənin Qəzzada rol oynamasını istədiyini qeyd ediblər: "HƏMAS üzərində təsirə malik olduqları üçün onların prosesə qatılmasının vacib olduğunu düşünürük. Ağ Ev, həmçinin Türkiyə və İsrailin münasibətlərini yenidən qurmasını istəyir. Bu iş üzərində işləyəcəyik. Ümid edirik ki, hər iki tərəf ritorikalarının intensivliyini azaldacaq və birlikdə çalışacaq".

Roza