Epşteyn qalmaqalı Britaniyanı sarsıdır - Yeni baş nazir müsəlman ola bilər

Epşteynlə bağlı dərc edilən sənədlər Böyük Britaniyada qarışıqlıq yaratmağa davam edir.

Publika.az Britaniya mediasına istinadən xəbər verir ki, sənədlərdə adlarının hallanmasından sonra ölkədə ard-arda istefalar olur.

Məlumata görə, Britaniyada sonuncu istefa edən şəxs Baş nazir Keir Starmerin Kommunikasiya Direktoru Tim Allan olub.

Qeyd olunur ki, sırada Keir Starmerdir. İstefa verəcəyi təqdirdə onu kimin əvəz edəcəyi ölkədə müzakirə mövzusudur.

Bildirilir ki, daxili işlər naziri Şabana Mahmudun Starmeri əvəz edəcəyi gözlənilir. Əgər bu baş verərsə, Mahmud Böyük Britaniyanın ilk müsəlman baş naziri olacaq.

Bu vəziyyət artıq Britaniya ictimaiyyətinin bəzi təbəqələrinin tənqidinə səbəb olub. Mahmuda qarşı reaksiyalar sosial mediada özünü göstərməyə başlayıb.

Qeyd edək ki, Pakistandan olan Şabana Mahmud ötən ilin sentyabr ayında Britaniyanın ilk müsəlman daxili işlər naziri təyin olunub. Onun adı ilk dəfə 2024-cü ildə ədliyyə naziri və Lord Kanzler vəzifəsinə təyin olunanda ön plana çıxıb.

Roza