79 yaşlı müəllim 100-ə yaxın uşağa təcavüz edib: Şəbəkəni idarə edirmiş - Foto

Fransada həbs olunan 79 yaşlı keçmiş müəllim Jak Levuql, təxminən 60 il davam edən beynəlxalq cinsi təcavüz şəbəkəsini idarə etməkdə ittiham olunur.

Publika.az xəbər verir ki, bu barədə "Le Monde" nəşri məlumat yayıb.

Bildirilib ki, Qrenobl prokuroru Etyen Mantonun sözlərinə görə, Levuql 3-17 yaşlarında olan 89 şəxsə cinsi təcavüz edib. "Cinayətlərin yalnız 40 qurbanı müəyyən edilib. Əgər qurbanlar üzə çıxmaq istəyirlərsə, indi tam zamanıdır. İstintaqın əhatə dairəsini genişləndirmək istəyirik", - deyə Manto qeyd edib.

Polis iddialarına görə, Leveql ömrünün çox hissəsini tətil düşərgələrində uşaqlara kömək etməklə və ya fərdi repetitorluqla məşğul olub. Prokuror bildirib ki, Leveql Almaniya, İsveçrə, Mərakeş, Niger, Əlcəzair, Filippin, Hindistan, Kolumbiya və Yeni Kaledoniya kimi ölkələrə səyahət edib və ziyarət etdiyi yerlərdə gənclərlə cinsi əlaqədə olub.

2023-cü ildə qardaşı oğlu onun USB yaddaşını araşdırıb və 13-17 yaşlı uşaqlarla cinsi əlaqələrini qeyd etdiyi 15 cildlik material tapıb. 2024-cü ildə Leveql Qrenobl yaxınlığındakı İzer bölgəsində qardaşını ziyarət edərkən həbs edilib.

İstintaq zamanı Leveql anasını və xalasını yastıqla boğduğunu da etiraf edib. “Xalama dedim ki, Cevennesə getməliyəm. O, məni dayandırmağa çalışdı, buna görə də onu öldürməyə qərar verdim. Əgər mən də eyni vəziyyətdə olsaydım, kimsə mənim üçün eyni şeyi etməlidir", - Leveql məhkəmə çıxışında bildirib.

Fransada 1993-cü ildən əvvəl törədilmiş cinsi təcavüz iddiaları müddətinə tabedir, yəni heç bir ittiham irəli sürülə bilməz. Lakin Manto bu cinayətlərin hərtərəfli araşdırılmasının vacibliyini vurğulayıb.

Roza