İki Asiya ölkəsi 50 milyard dollarlıq müqavilə imzaladı

Cənubi Koreya və Hindistan 2030-cu ilə qədər ticarət həcmini 50 milyard dollara çatdırmağı hədəfləyirlər.

Publika.az xəbər verir ki, bu barədə “Yonhap” məlumat yayıb.

Bildirilib ki, Hindistana səfər edən Cənubi Koreya prezidenti Li Ce Myun Yeni Dehlidə Hindistanın baş naziri Narendra Modi ilə görüşüb.

Görüşdən sonra keçirilən birgə mətbuat konfransında çıxış edən Li qeyd edib ki, onlar iki ölkə arasında ticarət və investisiyaların artırılmasını müzakirə ediblər.

Li əlavə edib ki, iki ölkə Hindistanla Hərtərəfli İqtisadi Tərəfdaşlıq Sazişinin (CEPA) yenilənməsi ilə bağlı danışıqları sürətləndirmək və ikitərəfli ticarət həcmini 2030-cu ilə qədər təxminən 25 milyard dollardan 50 milyard dollara çatdırmağı hədəfləyir.

Modi həmçinin danışıqların bu il yenidən başlayacağını və prosesi mümkün qədər tez başa çatdırmaq üçün səy göstərəcəklərini vurğulayıb.

Yaxın Şərqdəki son hadisələrə diqqət çəkən tərəflər, bölgədəki qeyri-müəyyənliklər qarşısında enerji təchizatı zəncirlərini sabitləşdirmək üçün əməkdaşlığı artırmaq barədə razılığa gəldiklərini qeyd ediblər.

Müəllif: Roza