Dünya

Daha bir ölkə SEPAH-ı terror təşkilatı elan etdi

20 Aprel 2026 16:47

Kosovo hökuməti İran İnqilab Keşikçiləri Korpusunu (SEPAH) terror təşkilatı elan edib.

Publika.az xəbər verir ki, bu barədə Kosovonun baş naziri Albin Kurti bəyanat yayıb.

Onun sözlərinə görə, SEPAH-ı terror təşkilatı elan etmək qərarı Kosovo hökumətinin kabinet iclasında müzakirə edilib.

“SEPAH terrorizmdən və mütəşəkkil zorakılıqdan xarici siyasət vasitəsi kimi istifadə edən və qlobal qeyri-sabitlik yaradan bir təşkilat kimi müəyyən edilib. Bu qərarla Kosovo beynəlxalq təhlükəsizliyin, demokratik dəyərlərin və insan hüquqlarının qorunması mövqeyini gücləndirir”, - baş nazir bildirib.

Kurti vurğulayıb ki, bu qərarla ölkəsi terrorizmə qarşı birgə mübarizədə strateji müttəfiqlərinə dəstəyini açıq şəkildə nümayiş etdirir. Təklif kabinet üzvləri tərəfindən səsvermədə yekdilliklə təsdiqlənib.

Qeyd edək ki, İran 17 fevral 2008-ci ildə birtərəfli şəkildə Serbiyadan müstəqilliyini elan edən Kosovonu müstəqil dövlət kimi tanımır.

Müəllif: Roza