ABŞ İslamabadda Tehrandan nə tələb edib? - İranın Tunisdəki səfiri hər şeyi açıqladı

İslamabadda İran nümayəndə heyəti ilə danışıqların birinci mərhələsi zamanı Amerika tərəfi, digər məsələlərlə yanaşı, Hörmüz boğazının idarə olunmasında iştirak tələb etdi.

Publika.az xəbər verir ki, bunu İranın Tunisdəki səfiri Mir Məsud Hüseynian TASS-a bildirib.

Onun verdiyi məlumata görə, Amerika tərəfinin həddindən artıq tələbləri arasında zənginləşdirilmiş uranın ABŞ-a ötürülməsi də olub.

Diplomat təsdiqləyib ki, "müəyyən məqamlarda danışıqların irəliləyişi müsbət olub və mövqelər yaxın olub". Bununla belə, o əlavə edib ki, "ABŞ-ın bəzi tələbləri, məsələn, zənginləşdirilmiş uranın ABŞ-a təhvil verilməsi mübahisə mövzusuna çevrilib".

“Bundan əlavə, Hörmüz boğazının idarə olunması ilə bağlı məlumatlar var ki, Amerika onun idarə olunmasında birbaşa iştirak tələb edib. Lakin boğaz İran və Omanın ərazi sularında yerləşdiyindən Tehran bundan qətiyyətlə imtina edib”, - deyə səfir danışıqlar prosesində tərəflər arasında əsas fikir ayrılıqları ilə bağlı sualı cavablandırarkən vurğulayıb.

Müəllif: Tural