Dünya

Ukrayna müharibəsində ümidverici proses: Türkiyə işə qarışdı

27 Aprel 2026 09:36

Türkiyə Ukrayna və Rusiya arasındakı müharibənin dayandırılması üçün diplomatik səylərini davam etdirir. Ankara danışıqların harada keçirilməsindən daha çox, tərəflərin dialoqa nə dərəcədə hazır olmasına önəm verir.

Publika.az Rusiya mediasına istinadən xəbər verir ki, bu barədə Türkiyə hökumətindəki mənbə məlumat verib.

Mənbə qeyd edib ki, hazırda danışıqlar üçün məkan seçimi prioritet deyil: "Əsas məsələ tərəflərin dialoqa hazır olması və danışıqlar prosesinin məzmunudur. Əgər tərəflər siyasi iradə nümayiş etdirsələr, danışıqlar istənilən ölkədə, o cümlədən Türkiyədə baş tuta bilər. Biz platforma təqdim etməyə hazırıq, lakin bunu həlledici faktor hesab etmirik".

Xatırladaq ki, Türkiyə prezidenti Rəcəb Tayyib Ərdoğan Antalyada keçirilən Diplomatiya Forumunda liderlər səviyyəsində görüş təşkil etməyə hazır olduqlarını bəyan etmişdi. Xarici işlər naziri Hakan Fidan isə bu təklifin Moskvaya çatdırıldığını bildirib.

Mü\llif: Adəm