2 min ədəd qadın alt paltarını torpağa basdırdılar: Görün nə baş verdi - FOTO

İsveçrədə alimlər torpağın vəziyyətini və bioloji aktivliyini öyrənmək üçün qeyri-adi üsula əl atıblar. Onlar müxtəlif ərazilərə 2 min cüt pambıq qadın alt paltarı basdırıblar.

Publika.az xəbər verir ki, Sürix Universitetinin rəhbərliyi ilə aparılan araşdırmada alt paltarları iki ay sonra torpaqdan çıxarılaraq laboratoriyada analiz edilib. Məqsəd torpaqdakı soxulcan, göbələk, bakteriya və digər canlıların fəaliyyətini müəyyənləşdirmək olub.

Alimlərin fikrincə, alt paltar nə qədər çox parçalanıbsa, torpaqdakı bioloji aktivlik də bir o qədər yüksəkdir. Nəticələrə görə, xüsusi bağlarda basdırılan alt paltarlarının təxminən 58 faizi iki ay ərzində parçalanıb. Çəmənliklərdə isə bu göstərici 40 faiz olub.

Araşdırma zamanı ən aşağı bioloji aktivlik çəmənliklərdə, əkin sahələrində və otlaqlarda müşahidə edilib.

Alimlər bildiriblər ki, bu qeyri-adi üsul həm də insanların diqqətini torpağın sağlamlığına çəkmək üçün seçilib. Onların sözlərinə görə, torpaqların deqradasiyası ərzaq istehsalı və biomüxtəliflik üçün ciddi təhlükə yaradır.