Bu ölkələr hərəkətə keçdi: Rusiya ilə müharibə başlayır?

Avropada Rusiyanın mümkün təxribat və hibrid hücumları ilə bağlı narahatlıq artır.

Publika.az “Milliyet”ə istinadla xəbər verir ki, Almaniyanın Leypsiq-Halle hava limanında baş verən hadisədən sonra bir sıra Avropa ölkələri Moskvaya qarşı təhlükəsizlik tədbirlərini gücləndirib.

Almaniyanın Münhen şəhərində müdafiə şirkətlərinin yerləşdiyi əraziyə hücum cəhdi polisi hərəkətə keçirib. Hadisə ilə bağlı iki Bolqarıstan vətəndaşı saxlanılıb.

Böyük Britaniya da Leypsiqdəki hadisəyə görə Rusiyanın Londondakı səfirliyinin müvəqqəti işlər vəkilini Xarici İşlər Nazirliyinə çağırıb. London Almaniya ilə “tam həmrəylik” nümayiş etdirdiyini açıqlayıb.

Danimarka Polis Kəşfiyyat Xidməti isə Rusiya kəşfiyyatının ölkədə Ukraynaya yardımla əlaqəli bəzi şirkətlərə qarşı təxribat hazırlığında olduğunu bildirib. Norveçin də Rusiyaya məxsus kəşfiyyat gəmisini ələ keçirdiyi açıqlanıb.

Almaniyanın xarici işlər naziri Yohan Vadeful bildirib ki, Berlin Rusiya ilə dialoqa hazırdır, lakin bunun üçün Moskva Ukraynaya qarşı müharibəni və Almaniya ilə müttəfiqlərinə qarşı bütün hücumları dayandırmalıdır.

Fransanın xarici işlər naziri Jean-Noel Barrot isə Almaniya və ya Polşaya hücumun Avropa İttifaqına hücum kimi qiymətləndiriləcəyini bildirib.

Müəllif: Roza