Liderlər yeməkdən narazı qaldı: BRICS sammitində ət qadağası - FOTO

Hindistanın paytaxtı Yeni Dehlidə keçirilən BRICS sammitində dünya liderlərinə təqdim olunan şam yeməyinin menyusu mübahisəyə səbəb olub.

Publika.az xəbər verir ki, bu barədə “The New York Times” məlumat yayıb.

Bildirilib ki, sammit iştirakçıları üçün hazırlanan menyu tamamilə vegetarian menyusu olub. 10-dan çox çeşidin yer aldığı menyuda panir, göbələk və darı plovu kimi yeməklər təqdim edilib. Bəzi liderlərin menyudan narazı qalaraq hotelə qayıtdıqdan sonra ətli yeməklər sifariş etdiyi iddia olunub.

Məsələ Hindistanın müxalifətinin də sərt reaksiyasına səbəb olub. Konqres Partiyasından Pavan Kxera hakimiyyəti tənqid edərək bildirib ki, Hindistanın zəngin və çoxşaxəli mətbəxinin yalnız vegetarian yeməklərlə təqdim edilməsi ölkənin mədəni müxtəlifliyini gizlətmək deməkdir.

Konqres Partiyasının liderlərindən Rahul Qandi isə Hindistan əhalisinin böyük hissəsinin ət yediyini vurğulayaraq, ölkənin ət mətbəxinin də kifayət qədər zəngin olduğunu deyib.

Müəllif: Roza