9 milyonluq ölkə nəhəng ABŞ-ı idarə edir - 40 min bomba hədiyyə edilib

Amerikalı jurnalist Taker Karlson Vaşinqtonun İsrailə milyardlarla dollar dəyərində ağır sursat göndərməsini sərt tənqid edib.

Publika.az xəbər verir ki, Karlson NPR nəşrinə müsahibəsində bildirib ki, İsrailə göndərilən sursat silah satışı deyil, faktiki olaraq hədiyyədir.

Onun sözlərinə görə, söhbət təxminən 900 kiloqramlıq 40 min bombadan gedir. Jurnalist bu miqdarın 1945-ci ildə Hiroşimaya atılan “Little Boy” atom bombasının dağıdıcı gücündən altı dəfə çox olduğunu iddia edib.

O, İsrailin sözügedən sursatı öz büdcəsi hesabına almadığını, vəsaitin ABŞ Konqresi tərəfindən ayrıldığını vurğulayıb.

Karlson eyni zamanda ABŞ ordusunun öz sursat ehtiyatlarında ciddi çatışmazlıq yaşadığını qeyd edib: “Öz sursatımız tükənərkən hədiyyə edirik. Kifayət qədər sursatımız olmadığı üçün hərəkət imkanlarımız məhduddur. ABŞ heç bir təbii sərvəti olmayan doqquz milyonluq bir ölkə tərəfindən idarə edilir”.

Jurnalist İsrailə silah yardımı qərarlarının arxasında İsrail tərəfdarı lobbilərin təsirinin olduğunu da iddia edib. O, ABŞ-ın Qüdsdəki səfirliyinin bu prosesdə rol oynadığını bildirib.

Müəllif: Roza