Argentina Britaniyaya 2 həftə vaxt verdi: Folklend adaları ilə bağlı tələb
Bizi izləyin

Dünya

Argentina Britaniyaya 2 həftə vaxt verdi: Folklend adaları ilə bağlı tələb

Argentina Britaniyaya 2 həftə vaxt verdi: Folklend adaları ilə bağlı tələb

Argentina Folklend (Malvin) adaları yaxınlığında neft və digər karbohidrogen ehtiyatlarının hasilatına qarşı Böyük Britaniyaya iki həftəlik ultimatum verib.

Publika.az xəbər verir ki, bu barədə Argentina prezidenti Xavyer Mileyin mətbuat xidməti məlumat yayıb.

Argentina hökuməti Britaniyadan iki həftə ərzində Argentina kontinental şelfində karbohidrogen ehtiyatlarının işlənməsinə yönəlmiş fəaliyyətlərin başlanmasının və ya davam etdirilməsinin qarşısını almaq üçün lazımi tədbirlər görməyi tələb edib.

Bildirilib ki, London bu tələbi yerinə yetirməsə, Argentina Dəniz Hüququ üzrə Beynəlxalq Tribunalına müraciət edəcək.

Argentina prezidentinin mətbuat xidmətindən vurğulanıb ki, Folklend adalarının Britaniyanın xarici ərazisi statusu beynəlxalq səviyyədə tanınmayıb. Buenos-Ayres suveren hüquqlarını müdafiə etmək üçün diplomatik, inzibati və hüquqi vasitələrdən istifadəni davam etdirəcəyini açıqlayıb.

Müəllif: Adəm Abbaslı

Oxumağa davam et
Reklam
Reklam

Gündəm

Zəfaran Hospital
Səba