Dünya

Quterreş Ermənistana gəldi

15 Oktyabr 2026 09:06

BMT-nin baş katibi Antonio Quterreş cümə axşamı gecəsi Ermənistana səfər edib.

Publika.az xəbər verir ki, bu barədə Ermənistan hökumətinin mətbuat xidməti məlumat verib.

Onu Zvartnots hava limanında Ermənistan baş nazirinin müavini Mher Qriqoryan qarşılayıb.

Quterreş BMT-nin Bioloji Müxtəliflik üzrə Konvensiyasının Tərəflərinin 17-ci Konfransında (CBD COP17) iştirak edəcək.

Qlobal təşkilatın rəhbəri ilə Baş nazir Nikol Paşinyan və Prezident Vaaqn Xaçaturyan arasında İrəvanda görüşlər planlaşdırılır.

BMT-nin Bioloji Müxtəliflik üzrə Konvensiyasının Tərəflərinin 17-ci Konfransı (CBD COP17) 2026-cı il oktyabrın 19-dan 30-dək İrəvanda keçiriləcək (hazırlıq tədbirləri və Yaşıl Zona 18 oktyabrda başlayacaq).

Rotasiyaya əsasən, növbəti COP iclası Latın Amerikası və Karib dənizi ölkələrindən birində keçiriləcək. Bu ölkələrdən biri səsvermə yolu ilə seçiləcək.

Müəllif: Tural