Polşada “Fort Tramp” böhranı: ABŞ bazasına pul ayrılmadı

Polşada ABŞ-ın daimi hərbi bazasının tikintisi üçün büdcədə vəsait nəzərdə tutulmayıb. Layihənin dəyəri 2,7 milyard dolları ötür.

Publika.az xəbər verir ki, Polşanın keçmiş müdafiə naziri Mariuş Blaşak baş nazir Donald Tuskun hökumətini ABŞ-la hərbi əməkdaşlığın genişlənməsinə mane olmaqda ittiham edib.

Blaşakın sözlərinə görə, “Fort Tramp” bazasının tikintisi üçün nə 2026-cı ilin büdcəsində, nə də 2027-ci ilin büdcə layihəsində vəsait ayrılıb.

O bildirib ki, “Hüquq və Ədalət” partiyası hakimiyyətdə qalsaydı, ABŞ-ın daimi hərbi bazası artıq Polşa ərazisində fəaliyyət göstərə bilərdi.

Keçmiş nazir 2027-ci il üçün müdafiə xərclərinin 200 milyard zlotıdan 198 milyard zlotıya, Silahlı Qüvvələrə Dəstək Fondunun maliyyələşməsinin isə 72 milyarddan 66 milyard zlotıya endirilməsinin nəzərdə tutulduğunu da vurğulayıb.

Qeyd edək ki, iyunun 3-də Polşanın müdafiə naziri Vladislav Kosinyak-Kamış Pentaqon rəhbəri Pit Heqsetə ölkədə əlavə ABŞ hərbi kontingentinin yerləşdirilməsi ilə bağlı rəsmi təklif təqdim edib. Layihəyə əsasən, baza ABŞ-ın təxminən 5 min hərbçisini və onların ailə üzvlərini qəbul edə bilər. Tikintinin ilkin dəyəri 10 milyard zlotıdan çox qiymətləndirilir.

Müəllif: Adəm