İrlandiya polisi şahzadə Çarlza qarşı sui-qəsdin qarşısını aldı
Bizi izləyin

Dünya

İrlandiya polisi şahzadə Çarlza qarşı sui-qəsdin qarşısını aldı

İrlandiya polisi Böyük Britaniya şahzadəsi Çarlz və həyat yoldaşı Kamillaya qarşı terror aktının qarşısını alıb.

Publika.az RİA informasiya agentliyinə istinadən xəbər verir ki, terror aktında şübhəli bilinən altı nəfər saxlanılıb.

Məlumata görə, Mullaqmor şəhəri yaxınlığındakı müxtəlif yaşayış məntəqələrində bomba hazırlamaq üçün istifadə edilən avadanlıq və partlayıcı maddələr tapılıb. Polisin həyata keçirdiyi genişmiqyaslı əməliyyatın gedişatında saxlananlar İrlandiya Respublika Ordusundan (İRA) qopan “Real İRA”, “Müvəqqəti İRA” və “Varis İRA” təşkilatları ilə əlaqələrdə şübhəli bilinir. Saxlananlardan ən kiçiyinin 21, ən böyüyünün isə 62 yaşı var. Məlumata görə, axtarışlar bütün ölkə üzrə 20 müxtəlif yerdə aparılıb.

Qeyd edək ki, Çarlz xaç atası lord Luis Mauntbatteni anmaq üçün gələn həftə Mullaqmora 4 günlük səfər etməyi planlaşdırır. Lord Mauntbatten 1979-cu ildə İRA-nın silahlıları tərəfindən burada qətlə yetirilib. Şahzadə Çarlz lord Luis Mauntbattenin həlak olduğu yerə baş çəkən Britaniya kral ailəsinin birinci üzvü olacaq.

Ömər Dağlı

Oxumağa davam et
Reklam
Reklam

Gündəm