Ekologiya

Alimlərdən QORXULU AÇIQLAMA: Okeanlar ozon qatını məhv edəcək

17 Mart 2021 06:16

Dünya okeanları xlorofluorokarbonlar daxil olmaqla nəhəng qaz anbarıdır. Onlar ozon qatını tükətmək xüsusiyyətinə malikdirlər.

Publika.az "Phys.org"a istinadla xəbər verir ki, Massaçusets Texnologiya İnstitutunun alimləri belə qənaətə gəlib.

Okeanlar indi ozonu dağıdan kimyəvi maddələri mənimsəyirlər, lakin 2075-ci ilə qədər əksinə, onları atmosferə atmağa başlayacaqlar.

Söhbət əsasən CFC-11 olaraq bilinən xlorofluorokarbon növündən gedir. Bu kimyəvi maddə soyuducu və izolyasiya köpükləri istehsalında istifadə edilir. “Montreal Protokolu”na uyğun olaraq 2010-cu ildən bəri CFC-11-in istehsalı və istifadəsi ləğv edilib.

Alimlər 2130-cu ilə qədər okeanların bütün planetin iqlim vəziyyətinə təsir göstərə biləcək miqdarda qaz buraxacağını düşünürlər. Eyni zamanda, qlobal istiləşmə sürəti bu proseslərin başlanğıcını 10 il yaxınlaşdıra bilər.