Kəskin istiləşmə ilə bağlı XƏBƏRDARLIQ: Bu xəstəliyə tutulma halları artır…

“Azərbaycanda və regiondan baş verən iqlim anomaliyasının və kəskin istiləşmənin əsas səbəbi Yer kürəsi oxunun öz istiqamətini dəyişməsi ilə əlaqədardır”.

Bunu Publika.az-a açıqlayan Milli Ekoloji Proqnozlaşdırma Mərkəzinin rəhbəri, ekoloq Telman Zeynalov bu dəyişmənin əvvəl Kanada ərazisində baş verdiyini söylədi:

“İndi isə Rusiya ərazisinə, əsasən də Sibirə doğru çəkilib. Nəticədə həm Rusiya, həm də Azərbaycan Günəşə daha da yaxınlaşıb. Bundan isə daha çox əhali ziyan çəkə və onların sağlamlığına ciddi zərər dəyə bilər. Həm bunu, həm də son dövrlərdə Günəşdə baş verən partlayışları və maqnit dalğalarının sayını nəzərə alaraq, əhaliyə günorta saatlarında günəş altında az dayanmalarını və diqqətli olmalarını tövsiyə edirəm. Çünki, günəş xəstəliyinə tutulma halları daha da artır”.

Onun sözlərinə görə, Yer kürəsi oxunun öz istiqamətini dəyişməsi ekologiyaya və təbiətə ciddi ziyan vura bilər:

“İlk növbədə ölkədə quraqlıq və səhralaşma baş verə bilər. Su qıtlığı, ardınca da ərzaq qıtlığı yarana bilər. Ancaq payız fəslində hava şəraiti yavaş-yavaş dəyişəcək. İsti hava şəraiti sentyabr ayında və payızın yarısına qədər davam edəcəcək”.

Rövşən Ziya