Şabran və Qusarda yaşıllıqlar qanunsuz kəsilib
Bizi izləyin
Zəfaran

Ekologiya

Şabran və Qusarda yaşıllıqlar qanunsuz kəsilib

Şabran və Qusarda yaşıllıqlar qanunsuz kəsilib

Dövlət Ekoloji Təhlükəsizlik Xidmətinin əməkdaşları tərəfindən son bir həftə ərzində keçirilən nəzarət tədbirləri zamanı Şabran və Qusar rayonlarının inzibati ərazisində yaşıllıqların qanunsuz kəsilməsi faktları aşkar olunub.

Publika.az xəbər verir ki, bu barədə Dövlət Ekoloji Təhlükəsizlik Xidməti məlumat yayıb.

Bildirilib ki, araşdırma zamanı Şabran rayonu Bakı-Quba avtomobil yolunun kənarında yerləşən “Bakı” ictimai-iaşə obyektinin ərazisində, eyni zamanda ona bitişik torpaq sahəsində və Qusar rayonu Mucuq kəndi ərazisində ağacların qanunsuz kəsilməsi ilə bağlı təbiətə 13440 manat məbləğində ziyan dəydiyi müəyyən edilib.

Hər bir fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış materiallar hüquq-mühafizə orqanlarına göndərilməsi üçün hazırlanır.

Oxumağa davam et
Reklam
Reklam

Gündəm

Səba