Elm və təhsil

90 yaşlı Nobel mükafatçısı vəfat etdi

28 Mart 2024 00:16

İqtisadiyyat üzrə Nobel mükafatı laureatı Daniel Kahneman 90 yaşında vəfat edib.

Publika.az “The Washington Post”a istinadən xəbər verir ki, onun ölümünü ögey qızı, "New Yorker"in bədii ədəbiyyat üzrə redaktoru Deborah Treisman təsdiqləyib. Qızı onun harada və nə səbəbdən öldüyünü açıqlamayıb.

Qeyd edək ki, Kahneman 1934-cü ilin martında Tel-Əvivdə anadan olub. O, 2002-ci ildə “iqtisadi elmdə psixoloji texnikanın tətbiqinə, xüsusən də qeyri-müəyyənlik şəraitində mühakimələrin formalaşmasının və qərarların qəbul edilməsinin tədqiqinə görə” Nobel mükafatı alıb. 2013-cü ildə Prezident Barak Obama Kahnemanı ölkənin ən yüksək mülki mükafatı olan Prezident Azadlıq Medalı ilə təltif edib.

Ləman