Foto

"Ana harayı"na Xocalı yürüşü - FOTOREPORTAJ

26 Fevral 2021 15:40

Bu gün Ermənistan silahlı qüvvələrinin 29 il əvvəl Azərbaycanın Xocalı şəhərində törətdiyi XX əsrin sonuncu soyqırımı olan Xocalı dəhşətlərinin ildönümüdür.

Publika.az-ın xəbərinə görə, Xocalı soyqırımının anım günündə paytaxt sakinləri, eləcə də faciənin canlı şahidləri hər il şəhidlərin ruhunun toplaşdığı yerə - "Ana harayı" abidəsinin önünə toplaşıblar. 29 il əvvəl Xocalı şəhərində yaşananları yenidən xatırlayıblar.

Günahsız insanların faciəsinə üzülüblər. Dövlət və hökumət nümayəndələri ilə yanaşı, sadə vətəndaşlar, əlillər, yaşlı insanlar "Ana harayı"nın önünə tər güllər düzüblər. Şəhidlərin, soyqırımı qurbanlarının ruhu bir dəqiqəlik sükutla yad edilib, ruhlarına "Fatihə"lər oxunub. 29 il əvvəl qarlı qış günü Xocalı şəhərində baş verənləri yenidən yaşamaqla soyqırımının təşkilatçıları lənətlənib.

Tural Turan

Foto: Pərviz Həşimi