Foto

Qarabağa həyat verən Suqovuşan: su anbarının tikinti prosesi FOTOLARDA

3 İyun 2021 18:11

Xəbər verdiyimiz kimi, bu gün "Azərbaycan Meliorasiya və Su Təsərrüfatı" ASC işğaldan azad edilən Suqovuşan su anbarına media-tur təşkil edib.

Media-tur çərçivəsində jurnalistlər tikintisi və bərpası davam etdirilən Suqovuşan su anbarında aparılan iş prosesi ilə tanış olublar.

Bu su anbarı vasitəsilə Qarabağ və ətraf ərazilərin su problemi yaxşılaşdırılacaq.

"Azərbaycan Meliorasiya və Su Təsərrüfatı" ASC tərəfindən ərazilər işğaldan azad olunandan sonra bura gələrək ilkin qiymətləndirmələr aparılıb, ərazi minalardan təmizlənib.

Suqovuşan su anbarı vasitəsilə işğaldan azad edilən ərazilərin əkin sahələri suvarılıb. Gələcəkdə təmir və bərpa işləri bitəndən sonra daha geniş ərazinin su ilə təmin olunacağı gözlənilir.

Suqovuşan su anbarı kompleksinin hədəf ərazisinə 96 min hektar suvarılan ərazi daxildir. Ərazidə tikinti işləri sürətlə davam edir. Əsas kompleks və ondan ayrılan 5,2 km magistral kanalında infrastruktur işləri ilin sonunda yekunlaşacaq. Digər mərhələlər isə növbəti ildə tamamlanacaq.

Tərtər, Bərdə, Ağdam, Ağcabədi, Goranboy ərazilərini də su ilə təmin edəcək Suqovuşan su anbarında aparılan təmir və bərpa prosesini fotolarda təqdim edirik.

Akqabay Mıradov

Fotolar: Ceyhun Rəhimov