Səncər Qarabağdan danışdı

Qarabağ hər birimizin ürəyində, düşüncəsindədir. Qarabağı düşünmədən, Qarabağda olub bitəni bilmədən burada danışa bilmərik.

Publika.az xəbər verir ki, bunu türk əsilli ABŞ alimi, kimya üzrə Nobel mükafatı laureatı, professor Əziz Səncər UNEC İqtisadi Forumunda çıxışı zamanı deyib.

O bildirib ki, Qarabağ zəfəri ilə Azərbaycan bir çox şeyi bacardı: "Azərbaycan qələbəsi ilə bu həqiqəti ortaya qoydu: azadlıq verilməz, azadlıq qazanılır. Torpaq verilməz, torpağı qazanarsan. Türk dünyasında türk istiqlal müharibəsindən sonra Qarabağ müharibəsi dünyaya bu mesajı verdi: artıq torpağımızı ala bilməzsiniz, torpağımızı özümüz alacağıq və bunu etdik. Artıq imperializm dövrü bitib. Bu, 19-cu əsr məntiqidir. 21-ci əsrdə başqa ölkənin vətənini, yurdunu işğal edib, başqa dünyaya qəbul etdirə bilməzsiniz. Azərbaycanlı qardaşlarımız bunu etməklə bütün dünyaya dərs verdi. Qarabağ zəfəri asan əldə olunmadı. Xeyli şəhid verdik. Bu gün şəhid ailələrinə borcumuz var. Hər birinin ruhu şad olsun. Təkcə Azərbaycan deyil, bütün türk dünyası onlara minnətdardır. Türk dünyası başqasının torpağını işğal etmək fikrində deyil".