BMT FAO-dan şad xəbər: Qiymətlər düşür!

BMT-nin Ərzaq və Kənd Təsərrüfatı Təşkilatının (FAO) Ərzaq Qiymətləri İndeksi Ukrayna-Rusiya müharibəsindən zərər çəkdiyi üçün iyul ayında kəskin azalıb.

Publika.az xəbər verir ki, beynəlxalq bazarlarda geniş satışa malik ərzaq mallarının aylıq qiymət dəyişikliklərini izləyən indeks iyulda 8,6 faiz azalaraq 140,9 bənd olub.

Halbuki, iyun ayında bu indeks 154,3 səviyyəsində olub. Bir aylıq azalmaya baxmayaraq, indeks ötən ilin iyul ayı ilə müqayisədə 13,1 faiz artıb.

FAO-dan verilən açıqlamada bu artım Rusiyanın Ukraynaya hərbi müdaxiləsi, əlverişsiz hava şəraiti, həmçinin istehsal və nəqliyyat xərclərinin artması ilə əlaqələndirilib. Bitki yağları, dənli bitkilər, şəkər və süd məhsulları ilə yanaşı, ətin beynəlxalq qiymətlərindəki ucuzlaşma iyuldakı enişə də təsir edib.

Ərzaq məhsullarının qiymətinin birdən-birə aşağı düşməsini müsbət hal kimi dəyərləndirən FAO-nun baş iqtisadçısı Maximo Torero bildirib ki, fəqət bir çox sahələrdə qeyri-müəyyənlik davam edir.

Rövşən Ziya