Çin və ABŞ-dan gələn məlumatlar nefti "vurdu": qiymət sürətlə düşür

OPEC+ ölkələrinin oktyabr ayından etibarən hasilatı artıracağına dair gözləntilər nefti ucuzlaşdırıb. Həmçinin dünyanın ən böyük neft istehlakçıları olan Çin və ABŞ-da zəif tələbin əlamətlərinin gələcək istehlak artımı ilə bağlı narahatlıqları artırması nəticəsində neft qiymətləri daha da ucuzlaşıb.

Publika.az xəbər verir ki, bu barədə “Reuters” yazıb.

Brent markalı neftin fyuçersləri 61 sent və ya 0,8% ucuzlaşaraq 76,32 dollara, ABŞ-ın WTI markalı nefti isə 52 sent və ya 0,7% ucuzlaşaraq bareli 73,03 dollara düşüb.

Qeyd edək ki, ötən həftə Brent 0,3%, WTI isə 1,7% ucuzlaşıb. Bu dinamikanın səbəbləri arasında ekspertlər “OPEC+”-ın gələn aydan başlayaraq neft hasilatını artırmaq planlarını qeyd edirlər.

Bazar analitiki Tony Sycamore deyir: “OPEC-in oktyabr ayından etibarən irəliləyəcəyi və hasilatı artıracağı ilə bağlı narahatlıqlar var”.

Bundan əlavə, ABŞ və Çində tələblə bağlı narahatlıqlar var.

“Həftə sonu açıqlanan gözləniləndən daha zəif Çin Satınalma Menecerləri İndeksi, Çin iqtisadiyyatının böyümə hədəflərini əldən verəcəyi ilə bağlı narahatlıqları artırır”, - Sycamore bildirib.

Eyni zamanda, ABŞ-dan gələn yeni məlumatlar, Amerikanın neft istehlakının iyun ayında yavaşladığını, son illərdəki ən aşağı mövsümi səviyyəyə çatdığını göstərib.

Akqabay