Bakıda yaşayış binasında YANĞIN: 2 nəfər zəhərləndi - VİDEO - (YENİLƏNDİ)

Yanğın zamanı 2 nəfər tüstüdən zəhərlənib, 10 nəfər bina sakini, o cümlədən 4 nəfər azyaşlı təhlükəsiz əraziyə təxliyə olunub.

Publika.az-ın Fövqəladə Hallar Nazirliyinin saytında istinadən verdiyi xəbərə görə, Nərimanov rayonunda çoxmərtəbəli yaşayış binasının şaxtasından keçən tüstü borusunun üzərinə çəkilmiş şüşə pambıq üzlük və içərisinə yığılmış yağ qalıqları 60 p.m sahədə yanıb.

Mənzillər yanğından mühafizə olunub. Yanğın söndürülüb.

***

Bakının Nərimanov rayonunda yerləşən, Odlar Yurdu Universitetinin yaxınlığındakı 16 mərtəbəli binanın 14-cü mərtəbəsində başlayan yanğın söndürülüb.

FHN-dən Publika.az-a verilən məlumata görə, çoxmərtəbəli binada yaranan yanğın səbəbindən bina sakinləri təxliyə edilib: "Hazırda FHN-nin yanğınsöndürən briqadası əraizdədir. Bu dəqiqlərdə yanğın tamamilə söndürülüb. Təhlükəsizlik baxımından əhali təxliyə edilib. Əməkdaşlarımız yanğının hansı səbəbdən baş verdiyini araşdırır" .

***

Bakının Nərimanov rayonunda yerləşən, Odlar Yurdu Universitetinin yaxınlığındakı çoxmərtəbəli yaşayış binasında yanğın baş verib.

Publika.az bakupost.az-a istinadən xəbər verir ki, 16 mərtəbəli binanın 14-cü mərtəbəsi yanır.

Hadisə yerinə FHN-nin yanğınsöndürənləri cəlb olunub.

Könül Cəfərli