• USD 1,7000 0,00% EUR 2,0120 0,00%
    • GBP 2,2300 0,00% RUB 0,0232 0,00%

"Sobsan" boya fabrikindəki yanğın söndürüldü - FOTO/VİDEO (YENİLƏNDİ)

  • Hadisə
  • 5 İyul 2020 06:16
  • 6 418 Baxış
"Sobsan" boya fabrikindəki yanğın söndürüldü - FOTO/VİDEO

Bakı şəhəri, Binəqədi rayonu ərazisində yerləşən "Sobsan" boya fabrikində baş vermiş yanğın tam söndürülüb.

Fövqəladə Hallar Nazirliyinin Publika.az-a verilən məlumata görə, yanğının söndürülməsi işlərinə FHN-in Dövlət Yanğından Mühafizə Xidməti, Xüsusi Riskli Xilasetmə Xidməti və Mülki müdafiə qoşunlarının qüvvələri cəlb olunub.

Yanğının xüsusilə mürəkkəbliyinə, obyektdə böyük həcmdə tezalışan və partlamaya meylli maddələrin saxlanıldığına baxmayaraq, yanğınsöndürmə və xilasetmə qüvvələrinin effektiv tətbiqi və yanğınsöndürənlərin fərdi şücaəti sayəsində yanğının qarşısı alınaraq daha böyük fəsadların baş verməsinə, o cümlədən yanğının genişlənərək ətraf ərazilərə yayılmasına, obyektə bitişik evlərə keçməsinə imkan verilməyib. Həmçinin, fabrik ərazisindəki salamat qalmış mal-materiallar FHN qüvvələri tərəfindən yanğından mühafizə məqsədilə ərazidən kənarlaşdırılıb.

Yanğın nəticəsində ilkin hesablamalara görə, təqribən, 3000 kv.m. ərazi yanıb.

FHN-in 5 əməkdaşı xəsarət alıb, 4 nəfərə yerində yardım göstərilib, 1 nəfər isə Toksikologiya mərkəzinə yerləşdirilib.

Yanğının başvermə səbəbləri araşdırılır.

***

04:07

Bakı şəhəri, Binəqədi rayonu ərazisində yerləşən "Sobsan" boya fabrikində baş vermiş yanğının qarşısı alınıb.

Fövqəladə Hallar Nazirliyindən Publika.az-a verilən məlumata görə, hazırda nazirliyin müvafiq qüvvələri tərəfindən bəzi xırda tüstülənmə mənbələrinin tam söndürülməsi işləri həyata keçirilir.

Əlavə məlumat veriləcək.

***

02:38

Bakının Binəqədi rayonu ərazisində yerləşən “Sobsan” boya fabrikində baş vermiş yanğın məhdudlaşdırılıb.

Publika.az xəbər verir ki, hadisə zamanı 5 yanğınsöndürən xəsarət alıb.

Yanğının sözndürülməsinə 300 nəfər və 50 texnika cəlb edilib. Alov 2,5-3 min kvadratmetr sahəni əhatə edib.

***

23:17

Bakı şəhəri, Binəqədi rayonu ərazisində yerləşən “Sobsan” boya fabrikində baş vermiş yanğının söndürülməsi istiqamətində Fövqəladə Hallar Nazirliyi tərəfindən təxirəsalınmaz tədbirlər davam etdirilir.

FHN-dən Publika.az-a verilən məlumata görə, yanğının söndürülməsi tədbirləri ilə yanaşı, fabrikdə, eləcə də onun anbarında salamat qalmış mal-materialların Nazirliyin müvafiq qüvvələri tərəfindən ərazidən kənarlaşdırılması işləri həyata keçirilir.

Əlavə məlumat veriləcək.

***

22:31

Xəbər verildiyi kimi, Bakı şəhəri, Binəqədi rayonu ərazisində yerləşən “Sobsan” boya fabrikində yanğın baş verib.

Fövqəladə Hallar Nazirliyindən Publika.az-a verilən məlumata görə, dərhal əraziyə Nazirliyin müvafiq qüvvələri cəlb olunub.

Fövqəladə hallar nazirinin müavini general-leytenant Etibar Mirzəyev və Nazirliyin digər aidiyyəti rəhbər şəxsləri hadisə yerindədir.

Bakı Şəhər İcra Hakimiyyətinin başçısı Eldar Əzizov da hadisə yerinə gəlib.

Yanğının söndürülməsi istiqamətində təxirəsalınmaz işlər davam etdirilir.

Əlavə məlumat veriləcək.

***

20:59

Bakı şəhəri, Binəqədi rayonunda “Sobsan” boya fabrikinin ərazisində yanğın başlayıb.

Fövqəladə Hallar Nazirliyindən Publika.az-a verilən məlumata görə, Dövlət Yanğından Mühafizə Xidmətinin yanğından mühafizə bölmələri çağırış ünvanına cəlb olunub.

Hazırda yanğınsöndürmə işləri davam etdirilir.

***

20:31

Bakıda güclü yanğın hadisəsi baş verib.

Publika.az-ın məlumatına görə, 7-ci mikrorayon ərazisində yerləşən "SOBSAN" boya fabrikində yanğın başlayıb.

Əraziyə Fövqəladə Hallar Nazirliyinin canlı qüvvələri və yanğından mühafizə texnikaları cəlb edilib.

Axar.az-ın məlumatına görə, yanğın zamanı baş verən partlayışların 25 tonluq çənlərdə baş verdiyi bildirilir. Buna görə də yanğın daha geniş ərazini əhatə edib.

Daha bir neçə çəndə partlayışın baş verməsi gözlənilir.

Əraziyə Bakı şəhər üzrə 4 rayonun yanğından mühafizə bölmələri cəlb edilib. Əraziyə bir neçə təcili yardım maşını gətirilib.

Fövqəladə Hallar Nazirliyi tərəfindən yanğının baş verdiyi ərazidə Qərargah yaradılıb. Qərargahdan bildirilib ki, yanğın 700 kvadratmetr ərazini əhatə edir.

Əraziyə Dövlət Yanğından Mühafizə Xidmətinin 32 texnikası və 160 canlı qüvvəsi cəlb edilib.

Dövlət Yanğından Mühafizə Xidmətinin texnikaları 20:12-də çıxış edib və ilk yanğınsöndürən maşın 20:19-da hadisə yerinə çatıb.

Əlavə məlumat veriləcək.

Zümrüd

Halal Nemət

Xəbər lenti

DAHA ÇOX XƏBƏR