Hadisə

Bakıda ağır yol qəzaları – 3 NƏFƏR ÖLDÜ

1 Sentyabr 2021 15:45

Ötən gecə Bakıda ölümlə nəticələnən yol qəzaları baş verib.

Publika.az xəbər verir ki, gecə saat 1 radələrində Binəqədi rayonunun Biləcəri qəsəbəsi ərazisində Bakı şəhər sakini Bəhruz Bağırov idarə etdiyi “Daewoo Centra” markalı avtomobili qarşıda gedən Şamaxı rayon sakini H.Bağırovun idarə etdiyi “MAN” markalı yük avtomobilinə vurub. Nəticədə xəsarətlə xəstəxanaya yerləşdirilmiş B.Bağırov orada ölüb.

Bundan başqa gecə saatlarında Səbail rayonu ərazisində müəyyən edilməmiş avtomobillə yolu keçən Bakı şəhər sakini Azər Əliyev vurulub və nəticədə o, hadisə yerində ölüb.

Daha bir ağır qəza Qaradağ rayonunun Ələt qəsəbəsi ərazisində baş verib. Cəlilabad rayon sakini Yaşar Süleymanlı idarə etdiyi “Mercedes” markalı yük avtomobilini aşırıb. Nəticədə xəsarətlə xəstəxanaya yerləşdirilmiş sürücü orada ölüb.

Hər bir faktla bağlı araşdırma aparılır.