Bakıda avtobus qəzasında yaralananların son durumu açıqlandı - YENİLƏNDİ

Bakı-Ələt yolunun 61-ci kilometrliyində avtobusla minik maşının toqquşması nəticəsində Kliniki Tibbi Mərkəzə 9 nəfər gətirilib.

Publika.az-ın məlumatına görə, növbətçi cərrah Ramiz Kərimov “Report”a bildirib ki, onlardan altı nəfəri hospitalizasiya edilib.

Onun sözlərinə görə, ağır kəllə-beyin travması alan 2010-cü il təvəllüdlü Əlili Əli Xaliq oğlu və qapalı kəllə beyin travması, baş beyin əzilməsi diaqnozları ilə Əliyeva Samirə Nüsrət qızı ağır vəziyyətdə reanimasiya şöbəsinə yerləşdiriliblər.

“Uşağın vəziyyəti ağırdır. Üç nəfərdə müxtəlif nahiyələrdə sınıq xəsarətləri var. Digər dörd nəfər isə ambulator müayinə olunduqdan sonra evə buraxılıb”.

~~~~~

23:41

Bakı-Ələt yolunun 61-ci kilometrliyində avtobusla minik maşının toqquşması nəticəsində Kliniki Tibbi Mərkəzə 9 nəfər gətirilib.

Publika.az mərkəzə istinadən yaralıların siyahısını təqdim edir:

1. 2008-ci il təvəllüdlü Əliyeva Nigar,

2. 1988-ci il təvəllüdlü Əliyeva Samirə,

3. 2010-cu il təvəllüdlü Əlili Əli,

4. 1960-cı il təvəllüdlü Qəhrəmanova Akifə,

5. 1968-ci il təvəllüdlü Ağabəyova Gülzar,

6. 1961-ci il təvəllüdlü Məmmədova Təranə,

7. 1994-cü il təvəllüdlü Mərdarov Zabit,

8. 1998-ci il təvəllüdlü Ağabəyova Əfsanə,

9. 1971-ci il təvəllüdlü Əliyev Xaliq.

Xəstələrdən 3 nəfər reanimasiyadadır. 1 nəfər neyrotravma, 1 nəfər travma şöbəsinə yerləşdirilib. Digərlərinə ilkin tibbi yardım göstərilərək evə buraxılıb.

~~~~~

23:28

Bakı-Ələt yolunda ağır avtomobil qəzası baş verib.

Publika.az xəbər verir ki, bu barədə Kliniki Tibbi Mərkəz məumat yayıb.

Qeyd edilib ki, avtobusla minik avtomobilinin toqquşması nəticəsində çoxsaylı yaralılar var: "Bu saatlara kimi Kliniki Tibbi Mərkəzə 7 nəfər gətirilib. Daha iki nəfərin də gələcəyi bildirilir. İçərilərində azyaşlı olmaqla çox ağır vəziyyətdə olan yaralılar var".