Hadisə

Bakıda ailə faciəsi: Qadın öldü, oğlu və gəlini isə... - YENİLƏNDİ

20 Dekabr 2021 12:49

Daxili İşlər Nazirliyi ötən gecə Bakıda baş vermiş ağır yol qəzası ilə bağlı məlumat yayıb.

Publika.az nazirliyin mətbuat xidmətinə istinadən xəbər verir ki, dekabrın 19-da saat 22 radələrində Sabunçu rayonu Bakıxanov qəsəbəsi ərazisində Bakı şəhər sakini O.Yusubov idarə etdiyi “KİA” markalı avtomobillə yolu keçən Sabirabad rayon sakinləri Xəzəngül Feyziyevanı, oğlu Qəribağanı və gəlini Fəridəni vurub. Nəticədə onlar xəstəxanaya yerləşdirilib, X.Feyziyeva ölüb.

Faktla bağlı Sabunçu RPİ-də araşdırma aparılır.

*****

10:02

Ötən gecə Bakıda ağır yol qəzası baş verib.

Publika.az xəbər verir ki, Sabunçu rayonu Bakıxanov qəsəbəsində "KİA Cerato" markalı minik avtomobili piyada keçidində yolu küçən insanları vurub.

Zərbənin təsirindən 1956-cı il təvəlüldlü qadın vəfat edib. Digər piyadalar olan 40 yaşlı kişi və 27 yaşlı qadın isə ağır vəziyyətdə 3 saylı şəhər xəstəxanasına çatdırılıb.

Faktla bağlı cinayət işi açılıb, araşdırma aparılır.

Muxtar